საკურას 116 ყვავილობა Suzuki-ს დაბადებიდან
გულწრფელი, მოკრძალებული, ერთგული – ეს არის Suzuki! – ავტოინდუსტრია,
რომელიც პატარა იაპონური ქალაქის ჩიხებში განვითარდა. ამ ჩიხებშივე ისმის ამ
ბრენდის საუბრის ხმა. მისი ლექსიკა არ არის მაღალფარდოვანი… ის
ყოველდღიური ცხოვრების ენაზე ლაპარაკობს და მისი მთავარი ხიბლიც სწორედ
„ხალხურობაა“.
იაპონურ ხასიათს ყველაზე მეტად ალბათ სწორედ ეს ბრენდი გამოხატავს.
მოწესრიგებული, მოკრძალებული, მშვიდი, საიმედო… Suzuki-ის ავტომობილები
არ ყვირიან, ისინი მიზანმიმართულად ჩურჩულებენ, ესთეტიკა კი
სიმარტივეშია… ეს ბრენდი შთაგონებულია კულტურით, რომელიც აფასებს
ბალანსს, დახვეწილობასა და ჰარმონიას ადამიანსა და ავტომობილს შორის.
რეგიონი, სადაც ეს ბრენდი დაიბადა სავსეა ისეთი ადამიანებით, როგორი
ხასიათიც მას აქვს. ასევე, სავსეა სუძუკის გვარის წარმომადგენლებით, ამიტომ
მათთვის განსაკუთრებით საამაყოა ამ ინდუსტრიაში მუშაობა. შესაბამისად,
სულაც არ არის გასაკვირი, რომ საქმე პასუხისმგებლობითა და სიყვარულით
კეთდება.
დროთა განმავლობაში Suzuki კაიზენის ფილოსოფიის შესაბამისად განვითარდა
და ფრთები შეისხა. დღეს, Suzuki Motor Corporation-ი მსოფლიო
ავტოინდუსტრიაში ერთ-ერთი მოწინავეა. მსოფლიოს მასშტაბით 45 000-ზე მეტი
დასაქმებული ჰყავს და სადისტრიბუციო ქსელიც 200-მდე ქვეყანას სწვდება.
არადა ყველაფერი 1909 წელს, საქსოვი ფაბრიკის დაარსებით დაიწყო…
პრინციპში, იაპონიაში, სადაც სამშენებლო ბრენდმა “კენგო გუმიმ” 1400 წელზე
მეტი იცოცხლა, 116 წლის Suzuki ფაქტობრივად სტარტაპი გამოდის! – ეს რა
თქმა უნდა იუმორით, მაგრამ დანარჩენი მსოფლიოს პერსპექტივიდან რომ
შევხედოთ, ბრენდი რომლის ისტორიაც 100 წელზე მეტს ითვლის ნამდვილად
კულტურული მემკვიდრეობის ძეგლია…მით უმეტეს, როცა ბრენდმა ატომურ
ბომბს, კაპიტულაციას და ომის ფერფლიდან გამოსვლას გაუძლო. არ შეუჩერებია
წინსვლა და მუდმივი განვითარება. პირიქით, ყველა ეტაპზე მუშაობდა რომ
შეექმნა რაღაც ახალი. და სწორედ ეს არის ნამდვილი იაპონური ხასიათი!
ომის ფერფლიდან გამოსულ ერს, რომელიც აღდგენისა და განვითარებისთვის
იბრძოდა, Suzuki-მ შესთავაზა ყველაზე ღირებული – თავისუფლება! ეს
თავისუფლება იგრძნობა მისი ავტომობილების ყოველ დეტალში. ეს არის
უდიდესი ძალა ქედმაღლობის გარეშე და რევოლუციური შესაძლებლობები,
რომელიც ყოველდღიურ კომფორტშია ადაპტირებული და არა მიუწვდომელ
ფუფუნებაში.
ალბათ ესეც არის მთავარი განმაპირობებელი ფაქტორი იმისა, რომ დღეს Suzuki
მსოფლიო ავტოინდუსტრიაში მთავარ მაგიდასთან, დიდ მოთამაშეებთან ერთად
არის წარმოდგენილი და ყოველთვის ახერხებს, რომ ერთიან კონტექსტში
ჰარმონიულად ჩაჯდეს. დღეს ეს დინჯი და გონიერი ბრენდი არამხოლოდ
ავტომობილების, არამედ მოტოციკლების ელექტრიფიკაციის გზას ადგას და
განვითარებული ქვეყნების მწვანე მიზნების შესაბამისად წყალბადზე მომუშავე
ძრავის ვარიანტებს იკვლევს.
საქართველო 13 წელს ინაწილებს ბრენდის არსებობის იმ 116 წლიდან, რომელიც
საქსოვი დაზგის გრუხუნიდან ელექტრო მოტორის მოგუდულ ხმამდე პერიოდს
იტევს. GT Motors-მა Suzuki-ს შოურუმი 2012 წელს გახსნა და ქართულ ბაზარზე
შემოიყვანა ბრენდი, რითაც ყველაზე მოკლე გზა გაჭრა ადგილობრივი
მომხმარებლის ნამდვილ იაპონურ ხასიათთან დასაკავშირებლად.