BMW-სა და MINI-ის მომავლის შოურუმი Retail.Next-ის კონცეფციით
წარმოიდგინეთ ათასობით კვადრატულ მეტრზე გადაჭიმული კომპლექსი,
რომელიც მოიცავს ავტომობილების მომავლის შოურუმს, მწვანე შიდა სივრცეებს,
ეკომეგობრულ ინტერიერს, ლაუნჯებსა და ბარებს, არქიტექტურას, ნაგებობებს
საპარკინგე სივრცეებით და სპორტდარბაზს, რომელიც სპეციალურად
თანამშრომლებისთვის იქნება განკუთვნილი. ეს ალბათ ბევრისთვის საოცნებო
სამუშაო სივრცეა და არამხოლოდ… – ეს იდეალური კონცეფციაა პროდუქტის
სწორად რეალიზებისთვის და მომხმარებელთა მოთხოვნების ზედმიწევნით
შესასწავლად.
საქმე ის არის, რომ „ჯითი მოტორსი“ ამ მიზნების განხორციელებაში 20 მილიონ
ლარს ხარჯავს და აქვს ამბიცია, რომ სამხრეთ კავკასიაში ავტომობილების
ყველაზე შთამბეჭდავი შოურუმი შექმნას. პროექტზე გერმანელმა და ქართველმა
არქიტექტორებმა იმუშავეს. თუმცა, მომავლის შოურუმის გარანტირებული
წარმატების საიდუმლო არამხოლოდ არქიტექტურაში, ან შთამბეჭდავ
სივრცეებშია. გარანტირებულ წარმატებას განაპირობებს Retail.Next-ი, ანუ
BMW-ს ახალი საცალო კონცეფცია, რომელიც უკვე მრავალ ქვეყანაში იქცა
წარმატებულ მოდელად.
Retail.Next-ი არის მომავალზე ორიენტირებული სისტემა, რომელიც მიმართულია
მომხმარებელთა მოლოდინების გამართლებისკენ, ციფრული ჩართულობის
ზრდისკენ და პერსონალური, პრემიუმ გამოცდილების განვითარებაზე. ეს არის
ახალი სანახაობა მომხმარებლისთვის, რომელიც შოურუმში არსებულ ფიზიკურ
გამოცდილებას ციფრულთან აერთიანებს და ამით ქმნის რაღაც ახალს,
უნიკალურს – რაც მომხმარებლის მუდმივად ცვალებად, თანამედროვე
მოთხოვნებს ნაბიჯ-ნაბიჯ გაჰყვება.
„ჯითი მოტორსის“ გეგმებზე დიდ იმედებს ამყარებს თავად BMW Group-იც. 2024
წელს, საქართველოში საქმიანი ვიზიტით ჩამოსული BMW ჯგუფის პრეზიდენტი
პოლ დე კოღტუა ამბობდა, რომ “ჯითი მოტორსის” განვითარების მასშტაბი და
ზრდის ტემპი ძალიან ხიბლავს. თანაც, არ დაგვავიწყდეს, რომ ის განაგებს
პორტფელს, რომელიც 44 ქვეყანას აერთიანებს. მას სჯერა, რომ “ჯითი მოტორსი”
Retail.Next კონცეფციითა და მომავლის შოურუმით უნიკალურ გამოცდილებას შექმნის, რაც კომპანიის გაყიდვებს კიდევ უფრო გაზრდის. თანაც იმ ფონზე, როცა ახალ,
ულტრათანამედროვე შოურუმებში გამოიფინება ბრენდები, რომელიც
საქართველოს ბაზარზე მომხმარებელს ისედაც ძალიან უყვარს. ეს არის BMW და
MINI, ორი ერთმანეთისგან რადიკალურად განსხვავებული ხასიათის ბრენდი,
რომელიც მალე ერთ დიდ და საინტერესო სივრცეში დაიდებს ბინას.
სიტყვები ვერ იქნება ცოცხალ გამოცდილებაზე უფრო შთამბეჭდავი…
ცოცხლად Retail.Next-ის უნიკალურ გამოცდილებას მომხმარებლები შეიგრძნობენ. სწორედ ამ დროს იგეგმება გრანდიოზული პროექტის გახსნა, სადაც თანამშრომლებმა მომავლის გამოწვევების შედეგად ადაპტირებული ახალი როლები უნდა მოირგონ, BMW-სა და MINI-ს ავტომობილებმა კი უფრო მეტად უნდა შეაყვარონ თავი ქართულ ბაზარს და მათ პოტენციურ მფლობელებს, რომელთაც ახალი კონცეფციისა და ციფრულ- ფიზიკური
გამოცდილების საშუალებით ბევრად უფრო გაუმარტივდებათ „ასჯერ გაზომვა,
ერთხელ გაჭრა“ და ყველაზე სწორი გადაწყვეტილებების მიღება ავტომობილის
შეძენისას.