მომხმარებელთა საყურადღებოდ
გთხოვთ, ყურადღებით წაიკითხოთ ქვემოთ მოცემული ინფორმაცია, პროდუქტის (საქონელი/მომსახურება), მისი შეძენის,
მიწოდებისა და სხვა ზოგადი სტანდარტული პირობების შესახებ.
მოვაჭრის შესახებ ინფორმაცია
მოვაჭრის სახელწოდება: შპს „ჯი-თი მოტორს“
საიდენტიფიკაციო ნომერი: 206276340
იურიდიული მისამართი: თბილისი, დავით აღმაშენებლის ხეივანი N155
ფაქტობრივი მისამართი: თბილისი, აღმაშენებლის ხეივანი #155, #151, #163, #216; ბათუმი, სულხან-საბა ორბელიანის #21.
ელექტრონული ფოსტა: [email protected]
ტელეფონის ნომერი: +995 322 595 000
პროდუქტის შესახებ ინფორმაციას მიიღებთ სერვისის მრჩეველისგან/გაყიდვების მენეჯერისგან, რომელიც საჭიროების
შესაბამისად შეგირჩევთ თქვენთვის სასურველ პროდუქტს, მოგაწვდით მასთან დაკავშირებულ ინფორმაციას, როგორიცაა:
- დასახელება;
- მწარმოებელი (არსებობის შემთხვევაში);
- არსებითი მახასიათებლები (სპეციფიკაციები);
- ფასი;
- მიწოდების ვადა.
საქონლის შეცვლის/შეკეთების საჭიროების შემთხვევაში მომსახურე ობიექტის დასახელება:
BMW MINI შოურუმი – მისამართი: თბილისი, დავით აღმაშენებლის ხეივანი N216;
Ford შოურუმი- მისამართი: თბილისი, დავით აღმაშენებლის ხეივანი N163;
Suzuki შოურუმი – მისამართი: თბილისი, დავით აღმაშენებლის ხეივანი N216;
Jaguar Land Rover შოურუმი – მისამართი: თბილისი, დავით აღმაშენებლის ხეივანი N155;
ბათუმის სერვის ცენტრი – მისამართი: ბათუმი, სულხან-საბა ორბელიანის ქ. #21.
ფასის შესახებ ინფორმაცია შეგიძლიათ იხილოთ შოურუმში განთავსებულ საქონელზე დატანილ ფასმაჩვენებელზე, ხოლო სხვა პროდუქტის ფასის თაობაზე დეტალურ მონაცემებს მოგაწვდით სერვის-მრჩეველი/გაყიდვების მენეჯერი. დამატებითი ხარჯების არსებობის შემთხვევაში დეტალური ინფორმაცია მიეთითება ინვოისში.
ანგარიშსწორება ხორციელდება წინასწარ, მას შემდეგ, რაც შეარჩევთ სასურველ პროდუქტს, შეამოწმებთ ხარისხსა და
შესაბამისობას თქვენს მოთხოვნებთან. მომხმარებელთან ხელშეკრულების გაფორმების შემთხვევაში, შესაძლოა
განისაზღვროს ანგარიშსწორების განსხვავებული პირობა.
მიწოდება განხორციელდება შპს “ჯი-თი მოტორსის” სერვის ცენტრში.
შპს „ჯი-თი მოტორს“ ვალდებულია მომხმარებელს მიაწოდოს საქონელი დაყოვნების გარეშე, მაგრამ ხელშეკრულების
დადებიდან არაუგვიანეს 30 კალენდარული დღისა, თუ ხელშეკრულებით სხვა რამ არ არის გათვალისწინებული.
ვალდებულებების შესრულების წესები
შპს „ჯი-თი მოტორს“ ვალდებულია გადმოგცეთ შეთანხმებით გათვალისწინებული პირობების შესაბამისი საქონელი. მიღებული საქონელი უნდა შეესაბამებოდეს შპს „ჯი-თი მოტორსის“ მიერ თქვენთვის მოწოდებულ არსებით მახასიათებლებს.
- თუ არსებითი მახასიათებლების შესახებ ინფორმაცია, ფოტო-ვიდეო მასალა ან სხვა აღწერილობის მიწოდება ხელშეკრულების გაფორმების მომენტისათვის შეუძლებელია, ამ შემთხვევაში, საქონელი უნდა იყოს გამოსადეგი იმ მიზნისთვის, რომლის თაობაზეც მხარეები შეთანხმდნენ ხელშეკრულების პირობებით.
- საქონელი უნდა ფუნქციონირებდეს ისე, როგორც მსგავსი სახეობის საქონელი და შეესაბამებოდეს მომხმარებლის გონივრულ მოლოდინებს.
მომსახურება/სერვისი:
მომსახურების შესრულება: შპს „ჯი-თი მოტორს“ ვალდებულია გასწიოს ის მომსახურება, რომელიც შეთანხმებით არის განსაზღვრული.
დამატებითი ვადა: თუ მომსახურების მიწოდება არ ხდება შეთანხმებულ ვადებში და მხარეების მიერ ურთიერთშეთანხმებული დამატებით დადგენილი გონივრული ვადაც უშედეგოდ გავა, თქვენ გაქვთ უფლება მოითხოვოთ ფასის ადექვატური შემცირება ან უარი თქვას ხელშეკრულებაზე.
კანონისმიერი გარანტია:
საქონელზე ვრცელდება კანონისმიერი გარანტია მისი გადაცემიდან 2 წლის ვადით.
- თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
- საქონლის ნაკლად განიხილება გარემოება, როცა დგინდება, რომ საქონლის მიწოდების მომენტში მას გააჩნდა ისეთი დაზიანება, რომელიც არ არის წარმოშობილი საქონლით სარგებლობის შედეგად.
- თუკი დასტურდება, რომ საქონელი გადაცემის მომენტში ნაკლის მქონე იყო, საქონლის შეკეთება და შეცვლა მომხმარებლის პირველი რიგის უფლებებია და მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს საქონლის ბუნებიდან გამომდინარე შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
- საქონელი შეკეთებული ან შეცვლილი უნდა იქნეს მხარეთა შეთანხმებულ ან გონივრულ ვადაში ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა (მომხმარებლისთვის მნიშვნელოვანი შეფერხების შექმნა გულისხმობს, ისეთ გარემოებას, როდესაც 30 დღეზე მეტი ვადით ირღვევა მხარეთა შორის შეთანხმებული ნაკლის აღმოფხვრის ვადა).
- საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
- მომხმარებელს აქვს უფლება მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთერთი შემდეგი პირობა:
- საქონლის შეკეთება ან შეცვლა შეუძლებელია
- მოვაჭრემ საქონელი მხარეთა შეთანხმებულ (ასეთის არსებობის შემთხვევაში) ან გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა.
- მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის, თუ მხარეები არ შეთანხმებულან ნაკლის აღმოფხვრის ვადებსა და პირობებზე.
- შპს „ჯი-თი მოტორს“ უფლებამოსილია უარი თქვას ფასის შემცირებაზე. ამ შემთხვევაში, თქვენ უფლებამოსილი ხართ მოითხოვოთ ხელშეკრულებაზე უარის თქმა.
- მომხმარებელს არ აქვს უფლება უარი თქვას ხელშეკრულებაზე თუ საქონლის ნაკლი უმნიშვნელოა.
- მომხმარებელს უფლება აქვს, ისარგებლოს ზემოხსენებული უფლებებით, თუ საქონლის მისთვის გადაცემიდან 2 წლის განმავლობაში დადგინდება, რომ გადაცემის მომენტისთვის საქონელი იყო ნაკლიანი.
- თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.
გთხოვთ, გაითვალისწინოთ, რომ პროდუქტის გადმოცემისას შპს „ჯი-თი მოტორსთან“ ფორმდება მიღება-ჩაბარების აქტი. მიღება-ჩაბარების აქტზე ხელმოწერით თქვენ ადასტურებთ, რომ გადმოგეცათ პროდუქტი, რომელიც შეესაბამება თქვენს მოთხოვნებს.
შპს „ჯი-თი მოტორსის“ მიერ გაცემული კანონისმიერი გარანტიის პირობები არ ეხება ისეთ დაზიანებებს, რომელიც გამოწვეულია საქონლის ექსპლუატაციის წესების დარღვევით; ასევე, დაზიანებებს, რომელიც გამოწვეულია გამყიდველის სერვისში დადგენილი საგარანტიო პირობების და სავალდებულო პერიოდული რეგლამენტირებული სერვისების ვადების
დარღვევით; ისეთ საქონელზე, რომელსაც აღენიშნება გარეგანი მექანიკური ზემოქმედების კვალი.
კომერციული გარანტია:
თუ მოსაწოდებელ საქონელზე ვრცელდება მწარმოებლის გარანტია, ამის თაობაზე გეცნობებათ დამატებით. თქვენ
უფლება გაქვთ მოითხოვოთ საგარანტიო პირობების გადმოცემა წერილობითი ფორმით. გაითვალისწინეთ, რომ
კომერციული გარანტია არ შეიძლება ზღუდავდეს თქვენს კანონიერ უფლებებს.
საგარანტიო მომსახურების შეუფერხებლად მიღების უზრუნველსაყოფად, თქვენ ვალდებული ხართ დაიცვათ
ხელშეკრულებით გათვალისწინებული საგარანტიო პირობები.
მოვაჭრე თავისუფლდება პასუხისმგებლობისგან ფორსმაჟორული ან საქართველოს კანონმდებლობით გათვალისწინებულ სხვა შემთხვევებში, დამაბრკოლებელი გარემოების/პირობის აღმოფხვრამდე.
გაწეული მომსახურებასა ან მოწოდებული საქონელთან დაკავშირებული პრეტენზია შეგიძლიათ დააფიქსიროთ
წერილობითი ფორმით, მისამართზე: დავით აღმაშენებლის ხეივანი N163 ან ელ. ფოსტის მეშვეობით, მისამართზე
[email protected]. პრეტენზიის განხილვის ვადა: 30 კალენდარული დღე.
პატივისცემით,
შპს “ჯი-თი მოტორს”